Komparatif.ID, Maharashtra– 250 asè di Gampông Lavool di Distrik Maharashtra, India, jipoh maté lé sibén (bue). Asè-asè nyan jipeuék ateuh bak kayè dan ateuh geudông manyang, lheuh nyan jiseumpom u miyup (u barôh).
Keujadian nyan nakeuh nibak buleuen 12 thôn 2021. Sibén jitren u jalan, jipoh mandum asè nyang meuwét-wét bak jalan. Aneuk asè jirungkom lé sibén hana jibi ampôn. ‘ang ing aneuk asè jiklik jilakè bantu bak nang jih. Tapi hana asè nyang keujeut bantu. Meunan sit ureueng lam Gampông Lavool, meusidroe hana teujeut tulông asè nyang dihamok lé kawan sibén.
Jipeugah lé ureueng gampông sinan, padum masa sigohlom keujadian nyan, sineuk aneuk sibén nyang mantöng mirah, dikeuroyok lé asè-asè lam gampông nyan. Aneuk sibén nyan maté.
Asè-asè nyang seumeupoh nyan, hana jipakoe adak pih aneuk sibén jiklik meutaga jilakè bantu. Asè lagè akai asè laju, hana peureumeun sapue.
Ban lheuh keujadian nyan, ban mandum sibén lam gampông nyan teuka rangoe lam dada. Awak nyan beungèh that -that. Pulom watè diingat, jipoh aneuk awak nyan dikeu manosia, tapi ureueng lam gampông sinan hana jipeureumeuen.
Baca: Rupajih Meunoe Cara Bui Asah Gigoe
Teuma peukara awak India hana pakoe sapue, seubeutôijih hana jeut keu hireuen lé. Awak nyan ka meunan pu-eut dari jameun kön. Awak nyan cit seunang jih jikalön piasan. Pu meu aneuk sibén, aneuk ureueng “dipajôh” paksa lé preman lam pasai, ramè nyang pura-pura hana kalön.
Nibak si uroe lam buleuen Desember 2021, ban mandum sibén ka saboh kheun. Awak nyan ka pakat jak tueng bila. Ubéna asè di Lavool suwah rasa kiban peudéh jipoh aneuk lé gob sampoe maté.
Sibén lam keudè, sibén công bak kayè, sibén lam beuluka, ban mandum jiteubit jijak lam gampông. Ubëna asè jipicrok, jipoh meusalop-salop. Hana jituri teubè-teubè kaôy. Ateuh nan asè, salah hana salah, jipeusaban ban mandum.
Asè tuha, asè muda seudang, asè ubeut, ban mandum dipagap, ditampa, jikap, dan jikloek. Ban mandum asè suwah ranggông bak uroe nyan. Tapi hana soe teujeut publa karue raya nyan.
Ureueng lam gampông nyan cuma ngieng kalön dari dalam rumoh. Asè meuranggông kakeuh ka ranggông laju. Hana soe keuneuk publa but nyan.
Asè ubeut-ubeut jibaplung u ateuh geudông, u công kayè. Lheuh nyan jiseumpom u meuyup sira jihila. 250 aneuk asè maté lam peukara nyan.
Nibak Sabtu (18/12/2021) dua boh sibén jidrop lé Departemen Uteuen Nagpur. Dua sibén nyan dibeureukah lé awak Departemen Uteuen kareuna jichök seubagoe nyang pubut poh asè di Lavool.
Meualatang primata nyan jiba u wilayah nyang agak jiôh dari Lavool. Lheuh nyan jipeulheuh lam uteuen. “Hana tutôpan keu meulatang,” kheun ureueng di Lavool.
Asai haba: Tempo, ANI.
dan = ‘en