Komparatif.ID, Bireuen– Pj Ulè Pemerintah Aceh Safrizal ZA, nibak uroe Satu (21/9/2024) geupiyôh di Bireuen. Nibak uroe nyan, Dirjen Bina Adwil Kemendagri nyan, neuwoe dari Medan, Sumatra Barôh.
Di Sumatra Barôh Safrizal neujak nibak acara tôp Pekan Olahraga Nasional (PON) XXI Aceh-Sumut di Deli Serdang.
Teuka di Bireuen, ureueng agam raya panyang nyan laju geujak Meuligoe Bupati Bireuen. Di sinan gobnyan geupeureuték ie ôn lé Teungku H. Muhammad Ishak, atawa nyang kayém geutawôk ngon lakap Abôn Cöt Tarôm.
Lam pidato di keu ureueng meupangkat dan meujabatan di Bireuen, Safrizal geupeugah Bireuen nakeuh saboh nanggroe nyang that lagak lam bideung ekonomi lheuh meucré ngön Aceh Barôh.
Baca juga: Zimbabwe Akan Sembelih 200 Gajah, Daging Dibagikan untuk Rakyat
Ulè Pemerintah Aceh nyan neupeugah lom, u keu, Bireuen makén rancak bak meurakan ngon ureueng luwa.
Lam PON kali nyoe, pèng nyang meuputa di Aceh nakeuh 8,6 triliun. Pèng dipnan na meuputa teubit tamöng, nakeuh wab na acara rayek.
Dari PON ureueng luwa makën jai teupu kiban Aceh nyang beutôi. Bhah nyan that peureulè keu Aceh u keu. Jadi gob watè diwoe u gampông droe jih, ka jitu’oh peugah pakriban Aceh nyang beutôi.
Aceh nakeuh saboh nanggroe nyang but jeuheut paléng dit di Indonesia. Lam PON, hana but jeuheut ateuh jamè atawa keu ureueng di dalam nanggroe.
