Komparatif.ID, Nisam— Dua droe awak Nisam, Aceh Utara, jibeureukah polisi nibak Seulanyan, 20 Januari 2025. Dua droe awak nyan jidrop lé polisi kareuna bloe publoe narkoba jeunèh sabè.
Ule Komandô Reserse Narkoba Polres Aceh Utara Iptu Fitra Zumar, Rabu, 22/1/2025) jipeugah dua droe awak Nisam nyan nakeuh I (38) dan MA (43) jidrop teungöh bloe publoe sabe lam lampôh sawet. Sajan awak nyan na dabeuh 5,21 gram.
Dari panè teuma polisi jiteupu si I dan si MA bloe publoe sabè lam lampôh sawét. “Na urueng bie haba bak kamoe. Awak nyan ka kayém that bloe publoe sabè lam lampoh sawet di sampeng rumoh jih,” kheun Iptu Fitra Zumar nibak wartawan.
Lheuh meutumè haba nyan, na polisi nyang meunyamar keu awak bloe sabè. Pah nibak poh lhè uroe, polisi teuka lam lampôh sawét nyan, jiba le MA. Ban teuka u teumpat nyan, si I jijak cok dabeuh nyang jikubah bak saboh teumpat.
Meuban jiteupu bahwa nyang bloe dabeuh nyan nakeuh polisi, si I hana jidong le. Sigra jiplung cot ikue u langet. Teuma, adak pih teuga that taplung, geutanyoe ka lam keunalön goeb, kakeuh lage haba nyan.
Hana trep nibak nyan kajitumè lom lé polisi. Sira jiplung si I jiboh dabeuh nyan. Tapi lheuh jiyu seutot, dabeuh hareum nyan meuteumeung lom.
Lheuh jicaruk, awak nyan dua jiba u Polres Aceh Utara di Lhoksukon.
