Komparatif.ID—That geupap, rupajih panyang krèh eungkôt pawôh ijô laôt –jinoe ka kayém jikheun biru—sampoe lhè mètè. Nyoe tangui cara ukô Amerika Serikat, panyang krèh pawôh ijô laôt nakeuh 7 gaki 10 inci sampoe 9 gaki 10 inci. Lheuh panyang raya lom.
Nyan jituléh lé Jhon A Long lam kitab Awal Mula Perbuatan: Asal Mula Seks di Zaman Prasejarah, yang jipeuteubit lé University of Chicago Press nibak thon 2012.
Baca: Na Hawa Keu Gurè Basa Aceh? Jak Kuliah Bak UNIKI
Jituléh lé si Jhon, rata-rata panyang boh krèh eungkôt pawôh ijô laôt nakeuh 2,4 mètè (7,9 gaki). Adak pih panyang, rayek lingka bateung biasajih 30 sampoe 36 centimètè.
Meunyoe bhah panyang, teuntè panyang krèh awak Ekuador hana meupat tinggai, meunyoe tapeusanteut ngön panyang krèh eungkôt pawôh ijô laot. Panyang boh kreh awak Ekuador 17,61 centi. Nyan wate göng, nyoe hana göng, tu’èt lom. Pulom ata awak Kamerun nyang panyang jih 16,67 centi.
Nyoe geuhön aneuk krèh pawôh ijô laôt 45 sampoe 68 kilo. Leubèh geuhön jih dari saboh sak seumen.
Boh krèh pawôh ijô laôt jisom lam badan jih. Pueh bak takalön wap jikeubah lam alue boh jih. Hana tiep uroe teusèt u luwa. Lom pih, watè jimeuseutubȏh ngön pawôh inöng, hana mungkén jijak ukô lé peneliti.
“Jeut takalön watè jisut sagai. Pajan jisut? Wate jikeuneut peugöt adék bayèk. Watè göng nyan keuh jeut ta-eu,” kheun si Jhon.
Bah pih meunan, boh krèh pawôh ijô laôt nyan meuleupah kreuh wate kagöng. Lheuh kreuh meu-urat lom.
Jituléh lam buku laén lé awak laén, watè jiteubit ie mani sép jai. Sampoe 1.800 litè. Adak pih jai meunan, nyang jipeureulè keu peu ulu pawôh inöng tok 200 lite. Meunyoe meunan, soe teu’oh na rôh meujèp ie laôt bak neuduk-duk, bek tuwö neuh, sigö jis’èngkl’èk gamèt pawôh nyan, na 1.600 litè ie mani jih nyang hana jitamöng lam apam pawôh inöng.
