Komparatif.ID, Bireuen—Soe mantöng nyang hawa jeut keu gurè basa Acèh, jeut jak sikula manyang nibak Universitas Islam Kebangsaan Bireuen. Nibak sikula manyang nyan kana jurusan Bahasa dan Sastra Aceh.
Rektor UNIKI Prof. Dr. Afridar,S.E.,M.Si, bak uroe Hamèh (22/6/2023) geupeugah bahwa èseuka Kementerian Pendidikan dan Kebudayaan dan Teknologi ka diteubit. Nan jurusan nyan nakeuh Bahasa dan Sastra Aceh, di miyup Fakultas Keguruan dan Ilmu Pendidikan.
Padim watè nyang ka leupah, poe Yayasan Kebangsaan Bireuen Dr. Amiruddin Idris nyang jinoe siat juga Ule Keumudoe Peureute Persatuan Pembangunan (PPP) Aceh na neupeugah jurusan Bahasa dan Sastra Aceh nakeuh ata barô di Aceh. sigohlom jih hana sikula manyang nyang na buka jurusan nyan.
Nonton: Belajar Bahasa Aceh (1) Memahami Diakritik
Pakon bak UNIKI geupeulahé jurusan nyan? Amiruddin nyang jinoe anggeta DPRA, neupeugah bahwa basa dan sastra Aceh kanit that ureueng pakoe di nanggroe droe teuh. Seun-seun bacut, basa Aceh meugantoe. Aneuk-aneuk miet nyang lahé uroe nyoe kadingui basa Melayu keu basa siuroe-uroe ngon ma atawa du jih.
Lheuh nyan, na qanun Aceh nyang peuteuntè nibak thôn 2025 basa Aceh ka suwah peurunoe nibak sikula-sikula di Aceh.
Nonton: Belajar Bahasa Aceh (2) 10 Bunyi Vokal Tunggal
“Basa Aceh nyan basa bansa teuh. Hanjeut gadöh. Hanjeut reulé lam kawôm ureung Aceh. Jadi UNIKI meupiké keunan dan suwah cok peuluweung nyang kana lam qanun,” kheun Amiruddin nibak saboh watè jép kupi ngön Komparatif.ID nibak saboh keudè kupi di Bireuen.
Nyan golom tayu teumuléh lam basa Aceh. kiban cara ngui diakritik nak meuphôm ureueng wate dibaca saboh-saboh kalam. “Miseu hana tamulai, nibak saboh watè basa Aceh makén ganjé bak geulinyung droe teuh keudroe,” kheun ureung agam nyang trép that geuduk keu Rektor Universitas Almuslim nibak saboh jan.
Meunan sit sastra Aceh. Aneuk mit jino ka ramè that nyang hana diteupu bahwa sastra geutanyoe that hayeu-hayeu. Macam bagoe na kisah nyang ka lheuh geupeugöt le ureueng jameun.
Baca: Bahasa Aceh Semakin Tak Akrab Dengan Generasi Muda
Jadi soe mantong nyang harök meurunoe basa dan sastra Aceh, jak intat ju lamaran keu calon mahasiswa di UNIKI. Kampus nyan jinoe teungöh meuceuhu that. Adak pih sikula manyang nyang umu jih mantöng muda, beasiswa u kampus nyan meukuyan dijôk le pemerintah.
