Komparatif.ID, Banda Aceh– Dua droe aneuk inöng jitamöng u komplek rumoh nyang na di Gampông Jeulingke, Syiah Kuala, Banda Aceh, Rabu (26/2/2025) nibak poh 00.50 WIB.
Dua aneuk inöng nyan jijak keunan ngön honda metik. Teuka lam kompleks, jiba honda bacut-bacut.
Si nong nyang ba honda peuleuheun-leuheuen nyan jikalön rata leun rumoh. Meunan deuh ji-eu sipatu bak leun, si nöng nyan sigra jipeudöng honda. Jitren laju, sira jiyu mat honda bak rakan jih nyang sôk hèlem wareuna mirah jambu.
Si nöng nyang ba honda, jijak lagè pancuri itèk keumarom. Bacut-bacut jilangkah. Watè takalön cit lucu meujampu gram teuh.
Meuban jitumè cok sipatu gob bak leun, laju jijak tajam, meuc’eudeut jiduk di likôt. Rakan jih nyang ngui hèlem mirah jambu, jipeu-udép honda, lheuh nyan jigah meutaga. Awak nyan jiplueng cöt ikue.
Beut: Si Riva Siahaan Budôk, Jipeungeut Ban Saboh Indonesia
Teuma adak that caröng awak nyan dua, but ceumeucue nyan rupajih deuk lam CCTV bak rumoh laén. But awak nyan bak teungöh malam, kakeuh jiteupu ban saboh nyan. Video lam CCTV nyan jinoe kajipeuduk bak Facebook.
Ureueng nyang kalön video dua pancuri inöng nyan, meuasék ulè. Bit-bit jikeujeut ceumeucu lam komplek. Dua aneuk dara nyan lagè ban hi, ka kayém ceumeucu. Cara jijak but, kahie ureueng nyang kayém pubut. Hana deuh yö meubacut.
“Bak hie nyan ka kayém. Pakön jiceumeucu hana tateupu lom. Tapi nyang keuneuk tapeugah, pancuri jinoe hana lé meucéh ureueng agam. Inöng pih jiteujeut wét malam lam jurông gampông,” kheun sidroe ureueng nyang na kalön video nyan.
Ureueng laén nyang peugah na geukalön video nyan geupeugah nyoe takalön umu, bak hie kön wab hana breuh di rumoh. Tapi keu peuturôt gaya udép. Pulom di Aceh, lam padum thôn nyoe makén jai ureung hana meuhoe tajô.
“Pulom inöng, meu keu ureung agam ramè nyang hana but.”
Teuma kiban nasib dua droe inöng nyang mantöng muda nyan? “Meunyoe trôh video nyan u gampông jih, kön saré keunöng peucapli bak leum
