Turi Atjèh

Ureueng nyang gohlom tupat Atjèh kayém geutanyóng, pat neuduk Atjèh?

Atjèh atawa lam basa Indonesia jituléh Aceh, nakeuh saboh euncit Keurajeun Atjèh Darussalam. Jinoe nyang geukheun Aceh nakeuh wilayah nibak ujông Pulo Sumatra. Ceu blah barat Laôt Raya Hindia (Samudra Hindia), ceu röt barôh ngon timu Seulat Malaka. Ceu blah u tunong  Sumatra Utara dan Laôt Raya Hindia.

Jinoe Atjeh geubagi lam 23 boh kabupaten:

Aceh Barat
Aceh Barat Daya
Aceh Besar (Jameun kayém geukheun Aceh Rayek)
Aceh Jaya
Aceh Selatan
Aceh Singkil
Aceh Tamiang
Aceh Tengah
Bener Meriah
Bireuen
Aceh Tenggara
Aceh Timur
Aceh Utara
Nagan Raya
Pidie
Pidie Jaya
Simeulue
Banda Aceh (capital city)
Kota Langsa
Kota Lhokseumawe
Aceh Timur
Kota Sabang
Kota Subulussalam

Ureung Aseuli dan Ureueng Trôh Keududoe

Sigohlom Abad keu-XV, ureueng nyang di Aceh nakeuh ureueng Atjèh. Nibak watè Suleutan Iskandar Muda geupeuluwah wilayah Keurajeun Atjèh Darussalam u Sumatra Timu, Siak, sampoe Sumatra Teungoh, teuka keuh ureueng minah u Atjeh. Miseu jih, ureueng Sumatra Barat (Minang) jak minah u Tapaktuan. Di sinan lahé sukè barô nyang geubôh nan Aneuk Jamè.

Meunan sit ureueng Sumatra Timur nyang minah u Tamiang. Maka lahé teuk aneuk-aneuk Meulayu di Tamiang.

Tagisa keulayi keu peukara ureueng Atjèh. Soe ureueng Atjèh nyang aseuli? Dr. Jacobs geubri peundapat nyang geucok lé Moh. Said. Ureung Aceh nakeuh aneuk bansa nyang lahé dari kawén saboh bansa ngon bansa laén. Miseu jih ureueng India Tunong, Arab Hadramaut, Cina, atawa bansa-bansa laén nyang meukawén ngon ureueng Champa nyang leubèh awai teuka u Atjeh. Pakön Champa? Takalön dari basa nyang geungui lé ureueng Atjeh, rap saban ngon basa ureueng Champa di ceu Vietnam ngon Cambodia.

Teuntè nyoe taplöh Atjèh leubèh luwah lom, suwah taplöh ureueng dan budaya Gayô, Kluet, Alas, dan ragam bagoe laén lom.

Na padum boh basa nyang geungui di Atjèh. Phôn nakeuh basa Atjèh. Geungui di Aceh Besar, Aceh Jaya, Aceh Barat, Aceh Selatan, Aceh Timur, Aceh Utara, Kota Langsa, Bireuen, Pidie, Pidie Jaya, dll.

Basa Atjèh nakeuh asaijih dari basa Chamik. Lazém cit jikheun rumpôn basa Aceh-Champa. Basa nyoe jimeututô lé ureueng Atjèh, di padum-padum teumpat di Kamboja (Cambodia), Vietnam, dan Hainan. Basa Chamik jitamöng lam ahli bét basa Austronesia.

Baca: Kata Bahasa Champa yang Sama Dengan Bahasa Aceh

Jeunèh-jeunèh basa Chamik nakeuh basa Atjèh, basa Jarai, basa Cham, basa Rade, Roglai, Haroi, Churu, dan Tsat. Basa Tsat jimeututô lé ureueng Utsul di Hainan.

Na lom basa Aneuk Jamè. Basa nyoe asai jih dari bahasa Minang.

Basa Gayô nyang geungui lé ureueng Gayô di Aceh Teungah, Bener Meriah, Gayo Lues (Tanoh Gayô) nakeuh basa dari rumpôn Austronesia cit. Dari keulompok Melayu-Polinesia.

Na cit basa Alas nyang geungui lé ureueng di Aceh Tenggara. Basa Alas rap saban ngön basa Karo dan Kluet.

Na padum boh basa teuk di Atjèh. Jeut ta rawi kali laén.

Di bideung teunuléh, sampoe jinoe gohlom meupu, pu huruf nyang geungui lé indatu ureueng geutanyoe sigohlom Iseulam jitamöng keunoe. Teunuléh nyang na tateupu nakeuh teunuléh nyang geungui haraih jawoe. Lheuh Atjèh talô prang ngön Beulanda, geungui teuma haraih latèn.

Cara Meu-udép Ureueng Atjèh 

Dilè, sigohlom dônya maju, ureueng tanyoe saban lagè bansa laén nibak peuteun udép lam donya. Untuk peuna asoe prut, ureueng dilè na nyang jak meurusa lam uteuen. Jak theun peutah cicém lam blang, lam paya, atawa teumpat laén.

Untuk geujak drop rusa meunan sit. Geubôh tarön, geubôh suda. Nasit nyang watè geujak meurusa, geungui atsè/asè keu tukang parôh rusa lam uteuen beuraleun.

Ladôm na nyang geujak mita boh peunyi. Biasa jih but nyan geupubut lé ureueng nyang tinggai binèh panté atawa lazém geukheun binèh laôt. ureueng binèh laôt ramè nyang mita beulanja jak u laôt mita eungkôt.

Untuk mita pèng leubèh jai, ureueng dilè na nyang jak drop badeuk ngon rimueng. But drop binatang nyan suwah na pawang hayeu. Meuhan hana meuhoe tajô nyoe jimeungamok rimueng. Suwah baca mantra.

Na sit lét bui. Nyoe but kön untuk mita beulanja. Kareuna bagi ureueng Atjeh, bui hanjeut publoe. Geulét bui nak kureueng meulatang nyang jak reulöh seulaman di dalam lampôh.

Lam but nyoe, asè suwah ba sajan. Asè-asè nyang geuba lét bui nakeuh asè nyang ka hayeu lam peukara picrok-picrok bui. Asè gampông nyang kayém pajôh èk ureueng, hana geuba jak lét bui.

Ureueng lam glé na geumeuseulaman muda. Nyang kayém geupula lagè padé glé, padé blang, kacang kunèng, kacang ijô, kacang tanoh, bak bie, bak gadông, dll.

Seulaman tuha nyang lazém geupula lé ureueng awai lagè bak u, bak pineung, mamplam, meuriya, seutui, limèng, rambôt, langsat, ramè, bak panah, bak mancang, bak jambè, geulima, kuini, dll.

Bak pisang, adak pih kön seulaman tuha, tapi rap mandum lampôh na geupula. Pisang nyang kayém geupula nakeuh pisang ayam, pisang abè, pisang bh’op, pisang klat barat, pisang wak, pisang abu ie, pisang bantan, pisang kleung, pisang bh’eung, pisang meuh, pisang ambon, dll.

Ureueng  jameun bak tanyoe lazém jih hana geukuh kakôh keu teumpat tôh èk. Asai ka sakét prut, ban mandum plueng u alue atawa binèh krueng, atawa lam lampôh soh. Sinan pingkui sira ran èk. Meunyoe kureueng geupajôh gulè, teuntè mirah muka geuh bak geuran.

Ureueng dilè ramè nyang mantöng meubaba reusam indatu dari India Kléng. Awak India sampoe jinoe mantöng hana galak tôh èk lam kakôh. Ureueng Atjeh hana lë meunan. Jinoe rata rumoh kana kakôh yang ka lazëm jikheun WC.

Ureueng dilè manoe sigoe lam siuroe. Geumanoe watè woe dari lampôh. Beungöh cuma geurah muka dan geusikat gigoe sagai. Keucuali na meuseutubôh watè malam, maka na geumanoe junub watè beungoh.

Di Achem na dua boh tasék nyang jithè lé ureueng ramè. Tasék Lut Tawar di Takengon, dan Tasék Aneuk Laôt di Pulo Wèh.